Erdogan khing tur Killicdaroglu

Kemal Kilicdaroglu, party paruk intelkhawm opposition alliance te thehchhuah chuan Turkey president thlannaa chakna a chang a nih chuan zalenna leh democracy engti kawng pawha tundin a tum tur thu a sawi.
“|halai ten democracy an duh” tiin a sawi a. “An tweet avang ngawtin zing takah an kawngkhar police tena an kik ka duh lo,” tiin a sawi.
Islamist leader Erdogan an 14 May inthlanna neih huna a elpui ber tur niin opinion poll lakah an intluk tawk hle a, inthlanna neih hian second round a mamawh ngei tura ngaih a ni bawk.
Tun dinhmunah Turkey danah ‘president hmuhsitna’ lam hawi sawi chu Lung In tan theihna a ni mek a.
“|halaite ka hrilh duh chu zalen takin min sawisel thei. He dikna an neih hi chhawm nun zel ka tum a ni” tiin kum 74-a upa Kemal main opposition Republican People’s Party (CHP) te candidate chuan chuan a sawi a.
Kilicdaroglu supporter te chuan a nunna atana a hlauhawm thu an sawi a, mahse, chu chuan a titim chuang lo. “Turkey-a politics khelh chu nunna thap ngai a ni a. Erdogan leh a thawhpui ten engpawh ti se ka kawng ka zawh dawn tho. Min dang thei lo va, ka hlau hek lo, he ram tan hian thutiam ka siam tawh tlat,” tiin a sawi.
Kum 69-a upa President Erdogan chuan a tumpui tur hi a hma pawhin nuihza siam nana hmang tawhin ‘beram pawh a veng thei lovang’ a ti tawh a, mahse, tunah erawh namnul mai chi a ni tawh hauh lo thung.
Kumin inthlanah Turks thalai vote thlak thar tur maktaduai nga lai an awm a, chung mite chuan Kilicdaroglu hi an thlawp tia sawi a ni a. Kilicdaroglu chuan thlan tlin a nih chuan Turkey kal dan thlakin Kremlin nen ni lo Khawthlang ram te nena inlaichinna neih that a thlan tur thu a sawi bawk a.
“Civilized world a chen kan duh” tia sawiin, “Free media leh judicial independence neih kan duh a. Chu chu Erdogan duhdan a ni lo, authoritarian nih a duh a ni. Erdogan nena kan danglamna chu a dum leh var ang a ni,” tiin a sawi.
Zawhna awm ber erawh kum 20 thuneihna chang tawh a tirah prime minister tunah president thiltithei ber ni mek Recep Tayyip Erdogan chu paihthlak theih a ni ang em tih zawk a ni a. “Kan chawlhtir ang,” tiin Kilicdaroglu chuan a sawi a, “Ngawi rengin a insaseng ang a, tumahin an ngaihven zui lovang,” tiin a sawi bawk.
Mahse, chu chu mi thenkhat te thlir dan a ni lo. Turkish leader chuan chakna chang lo ta se chuan inthlan result chu a sawinawi rin a ni. Kilicdaroglu chuan opposition te chu an inlungrual thu sawiin president leh a Supreme Election Council leh judge te hi rinna kan nei lo a ti bawk.
Polling station tinah observer pakhat aia tam daha, vote te dik leh fel taka thlak a nih a, vote chhiar fel fai taka tih a nih theih nan kum khat leh a chanve chuang kan buaipui tawh tiin a sawi bawk.
Recep Tayyip Erdogan a economic policy te avangin Turkey chuan inflation sang tak a nei mek a, tu pawh inthlanah chak se economy chhe tak leh ram inlungrual lo tak an hmachhawn dawn hrim hrim a, chumi chinfel chu thil awlsam a ni dawn lo a ni.