European Union ram te chuan Ukraine a run avangin Russia lakah hrekna kalpui thar belh turin thutlukna an siam.
Sweden chu EU presidency innih chhawk chang mektu niin tuna hrekna tharah hian mimal pawimawhna nei nia ngaih te pawh an awm nual.
Hrekna in a huam turte leh kalpui dan tur kimchangte chu ziaka tihfel a nih hnuah tunkar tawp lam hian tlangzarh tura ruahman a ni.
EU hian February 20, 2022 a Russia President Vladimir Putin-an a sipaite Ukraine a run tir hnuah hrekna \um 10 an kalpui tawh a. Hei vang hian Banks, companies leh markets te chuan harsatna nasa tak tawkin Russia officials 1,000 chuang te hrekin an awm bawk a ni.
Hetianga hrekna an kalpui chhan hi Putin an Ukraine a runa mamawh leh chakkhai a lakna ber ber te rehbunsak tumna niin EU hrekna avang hian Russia chuan a talbuai phah hle reng a ni.
Mahse, tun hi EU in Russia a hrek belh tur thu a puan \umkhatna chauh niin a hma chuan sawi lawkna nei lovin a hrekna te a sawi mai \hin a. Tuna hrekna bik kalpui hma hian Iran chu Russia hnena drone pe tiin a hrek tawh bawk.
A hmaa EU in hrekna a kalpui \henkhatte chu thla khat chhung lek awh te a ni a, mahse, tun hnaia hrekna a kalpui te chu Russian economy in a tawrh nasat phah em em te an ni thung.
European Union-in Russia hrekbelh zui dawn
Get real time updates directly on you device, subscribe now.
Next Post