Gas puak vangin China-ah mi 31 in nunna chan

North-West China a barbecue restaurant a gas puak avangin mi 31 chuangin nunna chanin mi pakua manin an awm a.
Yinchuan city a zanlama restaurant puak hi gas putru vang nia ngaih a ni a.
Chinese President Xi Jinping chuan rescue operation theihpalingkawha thawk tur tinghalin chhui chiang turin a ti nghal bawk a.
He restaurant neitu Fuyang Barbecue Restaurant neitute chu manin an awm nghal a.
China-ah hian ni thum awh Dragon Boat Festival holiday lai niin chhungkua leh \hian\ha hote hlim taka inhmuhkhawm lai a ni.
Nunna chan zingah hian zirlai \hahnem tak leh pension hun hmang tawh te an awm niin local media te chuan an sawi a, nunna chan hi an la pun belh tura ngaih niin hliam dinhmun \ha lo tak an la tam hle niin Xinhua news agency chuan a tarlang.
President Xi Jinping chuan hliam tuarte theihpalingkawha enkawl tur tiin chutihrual chuan himna la nasa zawka ngaihtuaha hmalak tur a ti bawk a.
“Hliam tuarte theih tawpa enkawlin chutihrual chuan engvanga vanduaina thlen nge a nih kan hrefiah ngei tur a ni a, dan hmangin tisualtute hremin an awm bawk ang” tiin Xi chuan a sawi.
He restaurant hi Ningxia autonomous region a Yinchuan capital a thil eina leh entertainment venues \hahnem tak zinga tel a ni a.
State broadcaster CCTV te chuan kangmei \helh tuma hmala firefighter te chu nunna chan zingah an awm nual tiin a puang a. Kangmei \helh tur hian firefighter 100 chuang leh vehicle 20 chuang tirhluhin an awm niin Ministry of Emergency Management te chuan an sawi.
Fire department tena chhuichianna an neih chinah hnathawk pakhat chuan gas putru rim hriain LPG gas tank a valve chu a chhia tih a hmuchhuak a, thlak tuma a beih laiin a puak zui ta mai tia sawi a ni.
Barbeque restaurant te hi China ah chuan street vendor economy chhinchhiahna pakhat niin north-west region lamah phei chuan tualchhung mite titlaitu ber a ni.