Vantawng khawthlaa tui tam zawk awm theih nan lui humhalh tum

Vantawng khawthlaa tui tam zawk
awm theih nan lui humhalh tum
Vantawng Group YMA chuan Vantawng khawhthlaa tui tam zawk a awm theihna’n Vanva lui humhalh leh tuihna a tam theihna’na hma lak an tum.
Thenzawl leh a chhehvel khuaa YMA Branch 13 awmna Vantawng Group YMA chuan Vanva lui humhalh leh tui hna siam tam tuma hma laknaah a tul anga a kaihhnawih sawrkar department hotute dawr an rel a. Tuna Thenzawl sa zawrhna hmun Lau lui kama awm chuan Lau lui a tihbawlhhlawh avang leh mipui mamawhna avangin Thenzawl Bazar building sak zawh tawh, hawn mai theih tawh nia lang chu sawrkarin hawng thuai se an duh tih an rel. Group YMA Conference-in a lo pass tawh Thenzawl district a pian theihna’n hma lak nise, tih chu Group YMA-in political party hrang hrang leh NGO dangte nen hun remchang hmasaah relho nise, an ti.
Thenzawl chu Mizorama tourist hmunpui a nih mek angin, tourism lama hmasawnna a thlen theihna’n a theih anga Tourism department thawhpui a, kawng hrang hranga hmalak dan turte rel a ni.
Manipur buaina avanga an huamchhunga Zohnahthlak raltlan an lo kal a nih chuan a tha thei ang bera lo dawnsawn nise, an ti a. Vantawng Group YMA huamchhunga Meitei awmte rikrap zawnga khawsalo turin mitin an ngen a, Meitei-te thlamuang taka awm turin an chah.