FEMSE tan ruahmanna siam turin sawrkar ngen

Samagra hnuaia thawktute chuan School Education department-in zirtirtu leh thawktu dang a lak turah an tan ruahmanna siamsak turin an ngen tih an sawi.
Fderation of Mizoram Samagra Employees (FEMSE) Gen. Hqrs. chuan, Mizoram zirna tih hmasawnna atana Education minister Dr Vanlalthlana hmalakna lawmawm an tiin an ngaihlu a. A chungah an lawm hle tih a sawi.
Chutihrualin Samagra Siksha hnuaia hun rei tak thawk tawhte kalkan zawnga hmalakna kal mek chu tha an ti lo hle a. Education department hnuaia zirtirtu (PS – 694, MS – 371, HS – 350, LDC – 77, Group D – 333) leh thawktu dangte pawnlam atanga hnawhkhah tuma hma lak chu sut a, ngaihtuahna seng tha leh turin sawrkar an ngen tih a sawi.
‘Samagra hnuaia kan thatlai hun zawng zawng Mizoram zirna atan hmang zoa thawk mekte tan ruahmanna min siamsak a, kan dinhmun min chawikan sak ngei turin sawrkar hi kan beisei a ni,’ a ti.