February 27 zan khan Fifa hnuaia chawimawina sang Best Fifa awards 2022 semchhuah a ni a. Footballer ropui bera ngaih Lionel Messi chuan a vawi hnih nan Fifa chawimawina sang a dawng. Hmeichhe lamah Barcelona midfielder Alexia Putellas chuan chawimawina sang a dawng ve bawk.
Player ropui Lionel Messi hian kum 2022 chhhung khan club leh ram tan vawi 49 khelin goal 27 a thun. Barcelona-a a awm lai angin che tha vut lo mahse inelna ngaihhlut hlawh ber Fifa World Cup-ah Argentina a champion pui thung a. World Cup-ah ropui taka champion a, best player-ah thlan a ni hian Fifa chawimawina sang dawng turin a buk a tirit leh zual. Best Fifa awards 2022 semchhuah a nih hma atangin tawhin Messi hian chawimawina a dawng ngei tura ngaih a ni a, rinlawk ang ngeiin thawhtan zan khan Messi hian Fifa preident Gianni Infantino hnen atangin trophy hlu tak a dawng ta a ni.
Mipa lama chawimawina sang dawng tura rinkai zual zingah Paris St-Germain leh France forward Kylian Mbappe leh Ballon d’Or chawimawina kawl mektu Real Madrid forward Karim Benzemna te an tel. PSG forward Lionel Messi hian France forward pahnihte hi khumin a vawi hnih nan Fifa Best player chawimawina a dawng.
Best Fifa awards hi kum 2016 atang khan semchhuah tan a ni a, player ropui Cristiano Ronaldo chu chawimawina dawng hmasa ber a ni a. Al-Nassr tana khel mek Ronaldo hian kum 2016 leh 2017 khan he chawimawina hi a dawng zawng. Lionel Messi hian kum 2019 khan a vawi khat nan he chawimawina hi a dawng a. Fifa chawimawina sang vawi hnih dawng tawh Cristiano Ronaldo leh Robert Lewandoski te hnung zuiin Messi hian a vawi hnih nan Fifa chawimawina sang a dawng ve leh ta a ni. A vawi hnih nan Fifa chawimawina sang dawng turin Lionel Messi hian vote 52 a hmu a. Panihna Kylian Mbappe-a’n vote 44 a hmuh laiin, pathumnaa awm Karim Benzema chuan vote 34 a hmu ve thung.
Paris khawpuia Best Fifa awards 2022 semchhuah a nih tum hian World Cup-ah Argentina champion puitu Lionel Scaloni chu manager tha berah thlan a ni a. Argentina si nghak Emiliano Martinez chuan si nghak tha ber chawimawina a dawng ve bawk.
Hmeichhe lamah Spain leh Barcelona midfielder Alexia Putellas chu hmeichhe player tha berah thlan a ni a, chawimawina sang a dawng. Putellas hian season liam ta khan club leh ram tan goal 34 zet a thun a. Khup hliam vangin Euro 2022 hmachhawn thei lo mah se chawimawina sang dawng tura chhawpchhuah dang England forward Beth Mead leh United States international Alex Morgan te khumin chawimawina sang a dawng zui ta tho a ni.
Hmeichhe lama chawimawina semchhuah dangah England manager Sarina Wiegman chu manager tha berah thlan a ni a. England si nghak Mary Earps chu si nghak tha berah thlan a ni bawk.
Warta Poznan player Marcin Oleksy chuan Stal Rzeszow an hmachhawn tumin goal ropui zet mai a thun a. Hemi tuma Oleksy goal thun turu zet mai hi goal ropui berah thlan niin Oleksy hian Fifa Puskas award a dawng. Luka Lochoshvili chuan an khingpui player tanpui Georg Teigl tanpuia, a nunna hlu tak a chhanhim vangin fair player award a dawng. fallen unconscious.
Fifpro men’s world XI:
Thibaut Courtois; Achraf Hakimi, Virgil van Dijk, Joao Cancelo; Kevin De Bruyne, Luka Modric, Casemiro; Lionel Messi, Erling Haaland, Karim Benzema, Kylian Mbappe.
-- Advertisement --
Fifpro women’s world XI:
Christiane Endler, Lucy Bronze, Mapi Leon, Wendie Renard, Leah Williamson, Lena Oberdorf, Alexia Putellas, Keira Walsh, Sam Kerr, Beth Mead, Alex Morgan.