India hmarchhak state-a film industry tihhmasawnna atana film exhibition neih dan chu Ningani khan inbiak hmuh thiehna hmangin rel a ni a. Sawrkar laipui Ministry of Information & Broadcasting joint secretary, National Film Development Corporation managing director Prithul Kumar chuan kaihruaiin, Mizoram, Tripura, Arunachal Pradesh, Meghalaya, Nagaland, Manipur, Sikkim, Assam-a I&PR nodal officer-te leh NFDC-a thawktute an tel.
I&B ministry joint secretary chuan hmarchhak state-a film industry tihmasawn tur chuan film lama tuimite cho phurna tura hma lak a pawimawh, tiin, chumi tur chuan hmarchhak state chhunga district engemawzatah film exhibition buatsaih tuma ruahmanna siam a ni tih a sawi. Khawvel huap leh ramchhunga film siam lama inhnamhnawihten India hmarchhak state hausakna leh mawina an hmelhriat a an hman tangkai theihnan film siamna tur hmunhma neih, film chang thiam kan neih leh hmanrua leh puihna (services) kan pek theih ang ang felfai taka ziakin, India Cine Hub portal hmang tangkai turin a chah a ni.
Sawihonaah hian state hrang hrang atangin film exhibition kalpui dan tura ruahmanna an neihte ngaihthlak a ni a. Mizorama kalpui dan tur hi I&PR deputy director, Film Promotion nodal officer Pratap Chhetri chuan a sawifiah a ni.
Mizoramah thalai thahnem takin film industry chu eizawnna atan an hmang chho mek tih a sawi a. Mumal taka kalpui ngai a ni tih sawiin, film exhibition buatsaih a nih chuan film siam lama tuimite hnenah chona leh phurna nasa tak a thlen a beisei tih a sawi a ni.
Film siam lama tuimite cho phur dan tur rel ho
Get real time updates directly on you device, subscribe now.
Prev Post
Next Post