Mizoram Rural Bank chuan sawrkar laipui hmalakna pakhat – faina chungchang inzirtirna a kalpui mekah January 16-31 thleng awh tur ‘Swachhata Pakhwada’ hmang tanin, Ningani khan Aizawlah awareness rally-in bul an tan.
Awareness rally-ah hian MRB-a thawktu khawpui chhung branch tin atangin aiawh an tel a. MRB general manager Saibal Kanti Roy chuan fuihna thu sawiin, faina pawimawhna, vantlang hmun tihfai leh hnathawhna hmun vawnfai kawngah tan la thar turin a chah. Faina chungchang inzirtirna bakah tunlaia inbumna tam ta lutuk laka invenna tur thuziak vantlang mipui hnenah an sem a ni.
MRB hian Save the Riparians nen thawkdunin Swachhata Hi Seva 4.0 Campaign-ah khan World Bank Road-a bawlhhlawh paih an lo tifai tawh a. Vawiin – January 17 hian STR Phase-III (Elimination of GVPs at World Bank Road) chu tan leh tum niin, Chite lei atanga Trinity Hospital Melthum thlengin World Bank road kawngdunga bawlhhlawh an thianfai dawn a ni.
Swachhata Pakhwada hi Mizoram khaw hrang hranga MRB Branch thlanbikten an hmang chhunzawm dawn a, vantlang hmun tihfai, mipui hnena faina lam zirtir leh thutiam neihpui a ni anga, January 31 thleng a awh ang.
MRB-in faina lamah hma la
Get real time updates directly on you device, subscribe now.