Manipur-a tribal leh Meitei inkara buaina thleng mekah state chief minister N Biren Singh leh Rajya Sabha MP RK Leisemba Sanajaoba te chu tribal beitu mamawh pea fuihphurtu ah tangah puh an ni.
World Kuki-Zo Intellectual Council Gen. Hqrs thuchhuak chuan, Meitei firfiak leh Police tangdun chuan Inrinni zanrei lam khan Churachandpur district-a Chinglangmei khua a in 20 chuang halralin, a khawmi mi pathum an man hnuah an zinga pakhat rawng taka an sawisa hlum chu a dem hle tih a sawi.
Hei hi duhtawk mai loin Chinglangmei khaw thenawm Langja pawh bei lehin he khaw vengtu volunteer-te nen nasa takin an inkap zui tih a sawi a ni.
Heng thil thlengah hian Manipur chief minister N Biren Singh leh Rajya Sabha MP RK Leisemba Sanajaoba te chu langsar takin Meitei lam tantu leh tuamhlawmtu zingah an tel tih sawiin, ‘Manipur-a buaina chhuah chhanah hian a tir atanga tun thlengin Manipur CM hi a tel a, remna leh muanna a awm thuai theihna’n Manipur state-a thuneihna la a, President rule-a dah turin sawrkar laipui kan phut a ni,” thuchhuah chuan a ti.
Firfiaka chetnaa tel ve ah Manipur CM leh MP puh
Get real time updates directly on you device, subscribe now.
Prev Post
Next Post