First date-a chet fuh dan tur

Hmelhriat loh pawh inrim châwr hun kha kan pel ve hret hret zel a, tunlaiah chuan in-date kan uar sawt ve ta hle. Khawiah emaw zanriah ei tura chhuah dun te, khawi hmunah emaw len dun te pawh kan ching ve ta hle. Mahse, in-date hmasak bera chetsual palh chu fuh lo tak a nia aw!
I date chu a hmelthain a sexy viau pawh a ni thei, chu chu i hriattir ngei a ngai, mahse, i melh deuh vung vung fo a nih chuan nuam lo a ti zawk dawn a nia.
I date tawh te chungchang sawi lan kher a tul lo, chutiang hmangaihna lama insawi khawngaihthlak emaw insawi theih emaw pawh a tul lo.
In-date hmasak zana i rui deuh bûr a nih chuan a fuh lo khawp ang, buaipui ngai khawpa i awm a nih phei chuan second-date phei chu beisei ngam chi a ni lovang.
Zanriah ei dun tura in in-date a nih chuan i thil hriat chian loh order suh. Confi taka i ei theih tur chauh order ang che. Noodles leh pizza tih vel in-date vawikhatnaa ei chu a fuh vak lo maithei.
In-date vawikhatnaah i rilruah sex a lang a nih pawhin i pawnlam tihlan chi a ni lo, mahse, thenkhat in-date vawikhatnaa chetpui nghal mai theih te pawh an awm ang, mahse, chutiang chu tawn fuh reng theih a ni lo a nia.
I thian ten i date chu eng nge a an tih hriat an chak ang, mahse, message zawng zawng chhan tumna hun a ni lo tih hrereng rawh. I phone chu i switch-off loh pawn silent-ah dah la, i date chu hneh tum zawk rawh.
In-date vawikhatnaah chuan inla-cute vel lutuk lem suh, mipa mai ni loin, hmeichhia pawhin an ngaithei tehchiam lo a nia!