First practice thununtu Verstappen
Kartawp hi Japanese Grand Prix tlan hun a lo ni leh ta a, intlansiak hnuhnungber Singapore Grand Prix-a lawmman semna dawhsan luah zo lo Max Verstappen chuan Suzuka tlankawnga Zir-tawpni first practice-ah chakber (fastest time) nihna a chang leh phawt.
Red Bull driver hi Singapore hnehtu Ferrari driver Carlos Sainz lakah second 0.626-in a chung-nung a, pathumna chu Singapore Grand Prix-a pahnihna luahtu McLaren driver Lando Norris kha niin, Japan ramah pawh anni pathum hi insualtawk chho leh tura ngaih an ni.
Singapore Grand Prix-a pathumna Merce-des driver Lewis Hamil-ton erawh first practice-ah hian 16-na a ni chauh.
Singapore tlankawnga Red Bull chak tluang lai tihtawp a nih dan kha han chhuikir leh zawi zawi ila.
Formula One World Championship kal laia race hmasa 14-ah Red Bull an chak fai vek a, chutih kawngah chuan hmahruaitu Max Ver-stappen tum 12 chakin, a team-mate Sergio Pe-rez vawihnih a chak ve tawh a, Pathianni khan tun season-a a vawi 15-na atan Singapore-ah F1 Grand Prix an tlan a, rin loh takin Ferrari driver Carlos Sainz a chak ber a, dawhsan hniam zawk luahtute zingah Red Bull driver pahnih an lang lo!
Spanish driver Sainz hian a zawna Formula One hmahruaitu Ver-stappen-a chak tluang lai a titawp a, season kal laiah a tumkhatna’n Red Bull an tlawm ve ta nge nge.
McLaren driver Lando Norris chu pa-hnihnaah thlengin, pa-thumnaah Mercedes chhuanvawr Lewis Hamilton kan hmu thung a, nikum Novem-ber thla Brazilian Grand Prix hnu lama Red Bull-in podium an luah zawh loh vawikhatna a ni.
Pole atanga tlan-chhuak Sainz hian hnehna a chan hnuah race an thunun ngheh thu sawi chungin Italy leh Ferrari chuan an hlawhtlinna an chhuang ve ngeia a rin thu a sawi a, safety car tlanlut khan an duh aia hmaa pit tlanluh a chawh tih a tarlang tel.
Tun kha Italian team vuan chunga a career-a a chak vawihnihna niin, nikum Silverstone hnu lama lawmman semna dawhsan chungber a luah vawikhatna a ni a; Ferrari tan nikum July thla Austria tlankawnga Charles Leclerc chak hnu lama pakhatna din-hmun an luah vawi-khatna a ni.
Double world cham-pion Max Verstappen chuan Singapore-ah hian 11-na daih atangin bul a tan a, panganaah tawp-in, a Mexican team-mate leh driver stan-ding-a amah hnaihbertu ni bawk Sergio Perez pawhin nikuma a chakna tlankawngah beisei a pha ta bik lo a, pariatna a ni pha chauh!
Verstappen hian point 151-in hma hruai fal tawh mah se kartawp Japan ram intlansiaka a title kawl lai humhim thei tur khawpin point a la khawl tam tawk lo!