Flyover bridge siamthat tum

Flyover bridge siamthat tum
Lunglei High Powered Committee (HPC) vice chairman V Malsawmtluanga, MLA hoin Lunglei Venglaia flyover bridge siamthat dan tur chu Nilaini khan a hmunah enho a ni.
Flyover bridge siamthat tum enhonaah hian Lunglei West bialtu MLA T Lalhlimpuia, Lunglei Municipal Council Ward No.IV councillor R Lalramzauva leh Lunglei SP J Lalmuankima te telin, Lunglei hmun laili taka awm, mihring kalna atana tangkai taka hman mek, kawng chung lei dawh (flyover bridge) chu duhthusama a that tawk tawh loh avangin siamthat dan tur ruahmanna siam turin a hmunah Mizoram Steel Industry nen enfiah a ni.
Flyover bridge hi lirnghing leh chhiatrupna thlen palh pawha him tawk tawh lo hlea hriat a ni a. Hei vang hian a ranglama siamthat a nih theihnan hma lak niin, a hlawhtlin thuai beisei a ni.