FOCUS 2.0 kalpui dan tur rel

Agriculture minister PC Vanlalruata chuan Thawhtanni khan IFAD (International Fund for Agricultural Development) leh Mizorama FOCUS (Fostering Climate Resilient Upland Farming Systems in the North East) hotute FOCUS 2.0 awm tur a sawipui.
Minister chuan FOCUS 2.0 kalpuina tura hmalak tawhna leh hmachhawp chu IFAD FOCUS Implementation Support Team sawipuiin, buh leh bala Mizoram intodelh theih nana thil pawimawh hrang hrang a sawi. Compact/ cluster development kalpui a pawimawh, tiin, Focus 2.0 pawh tha taka kalpui a nih theih nan theihtawp chhuah turin a fuih a ni.
IFAD enkawlna hnuaiah FOCUS project hi hlawhtling takin Mizoramah kalpui a ni tawh a. Kum 2018 atang khan kum 6 chhung daih turin project hi kalpui a ni. Tunah hian IFAD nen tangdunin sawrkar chuan FOCUS 2.0 project atan ruahmanna a siam mek a ni.