LPG home delivery tih sak duh loh chuan Consumer Court-ah

Home delivery tih theih tawhnaa eirawngbawlna gas semtuten an tihsak duh lo a nih chuan Consumer Court-a thlen theih a ni tih Mizoram Consumer Union chuan an sawi.
MCU thuchhuak chuan, sawrkar leh IOC Ltd. hnuaiah LPG home delivery chu Aizawl Municipal huamchhung leh distric headquarters-ah kalpui tur a nih laiin, hmasawnna a chak tawk lo hlea an hriat thu a sawi. ‘Tunlai khawvel changkang tawh takah actual home delivery hi tha taka kalpui a nih zel theih nan heti lama mawhphurtute chak taka hma la turin kan ngen a. Gas hi miss call pawhin book mai theih a ni a, deliver a nih loh chuan Consumer Commission (Consumer te Court) ah thlen theih a ni,’ a ti.
Mizoram puma hman tur State Transport Authority (STA) in maxi cab fare a bituk aia sanga sumo fare la lo turin heti lama eizawngtute leh consumer-te an chah tih MCU hian a sawi a. Kalkawng siam thar avangin hmun thenkhat phei chu nasa takin kilometre a tawi phah hle tih a sawi.
Two-wheeler taxi/ taxi rate sang uchuaka tlan hria te chuan thla la in motor number an hnena thlen zel turin MCU hian mipui a chah a. ‘Inhekna a niloa, sual hi vulh lian zel tawh lo ang u,’ a ti.
Cheng 10 thir dawng duhlo an awm fo thin nia sawiin, hei hi an ngai thutak hle a, mitinin cheng 10 thir hnawl lo turin an ngen tih a sawi. Pawisa nawi aia thildang inpek pawh consumer remtihna thlap lo chuan tumah inpe lui lo turin an inngen tih a sawi bawk.

MCU thuchhuak:-8 STA maxi cab fare dinglai:
– metalled road ag Rs.3/km/head
– unmetalled-ah Rs 3.50/km/head
8 Maxi cab fare tlangpui hriat dan: Kan zinna tur hlat lam (km) leh a rate puntir tur a ni. Mipui zahthiam a, dan hmaa kalpui ngai kher loa STA maxi cab fare a dik thei ang bera kalpui turin an ngen.
8 STA two-wheeler taxi rate dinglai:
– Km khatnaah Rs.25
– Km dang zelah Rs.15-a pung zel
8 Thil man maxumum retail price original belhnana MRP nilo siamchawp chu dan phal loh, ngaih thutak ngai tak a ni. Hetiang tih ching chu Consumer Commission-a thlen zel tur a ni.