Football titi

c Manchester City chuan an forward pawimawh Erling Haaland chuan Real Madrid emaw Saudi Pro-League emaw zawk zawk a pan san mai an hlau ru hle. Haaland hi kum 2027 hnu lam thleng an hnena cham turin an duh a, kar khatah £600,000 zet hlawh theihna tur contract thar zawrh thuai an tum. (Daily Star on Sunday)

c Manchester City chuan nipui bazar tawp ni khan £60m sengin Crystal Palace forward Eberechi Eze lak an tum a, an hlawhchham. Eagles hian Eze manah £80m an chhiar a, hetiang zat hian City in an ngam bik lo. (Sunday Mirror)

c Liverpool manager Jurgen Klopp chuan Al-Ittihad in £200m zetin Egypt forward Mohamed Salah lak tumin dawr mah se an club thuneituten an lo hnar ngei a beisei. Kum 31 mi Salah pawh hian tun season chu Anfield-ah cham chhunzawm a la duh a, nipui bazar inhawn leh hunah chuan Saudi Arabia lama kal ve a duh tawh thung. (Sunday Mirror)

c Juventus chuan an player \henkhat contract pawhsei sak an duh a, chung zingah chuan Premier League club te nena sawi zawm Serbia striker Dusan Vlahovic pawh a tel. (Gazzetta dello Sport – in Italian)

c Juventus midfielder Paul Pogba chu Saudi Pro League clubs Al-Ahli leh Al-Ittihad ten lak an tum. (Gazzetta dello Sport – in Italian)

c Al-Ittihad pawhin Real Madrid leh Paris St-Germain defender hlui Sergio Ramos pawh lak an tum bawk a, Turkey club te pawhin an duh kum 37 mi Ramos chhanna an nghak mek. (Fabrizio Romano)

c British-a nipui bazar tawp ni khan an indawrna tlawlh bawk mah se Galatasaray leh Manchester United te chu Netherlands midfielder Donny van de Beek chungchangah an indawr zui zel tho. (Mail on Sunday)