Football titi

C An player pawimawh Kylian Mbappe a chhuak dawn a nih chuan Paris St-Germain chuan forward thar lak tura an duh zingah AC Milan & Portugal winger Rafael Leao leh Napoli & Nigeria striker Victor Osimhen te an telh. (La Repubblica – in Italian)

C Porto leh Iran striker Mehdi Taremi chuan nipui bazar inhawn hunah free transfer-a Inter Milan zawm turin medical test a hmachhawn dawn. (Fabrizio Romano)

C Chelsea leh England midfielder Conor Gallagher te contract thar chungchangah an inrem thei lo a nih chuan Tottenham chuan nipui bazar inhawn hunah kum 24 mi Gallagher lak an tum daw. (Telegraph – subscription required)

C Newcastle United leh Arsenal te chuan Brentford leh England striker Ivan Toney te contract thar chungchanga an indawr dan an bengkhawn hle. (TeamTalk)

C Toney hi a chhuak a nih chuan Brentford chuan a hmunruak luahtu atan Lille leh Canada striker Jonathan David chu an mi duh a ni tih an tichiang. (Football Transfers)

C Manchester United leh Tottenham te chuan Everton centre back Jarrad Branthwaite lak tumin an nawr na hle a. Chelsea, Arsenal leh Real Madrid te pawhin England Under-21 centre-back hi an bengkhawn reng bawk. (Mail)

C Manchester City chuan Girona-ah loan a khel mek Troyes winger Savio chu contract an ziahpui thei dawn ta. (Fabrizio Romano)

C Newcastle chuan West Ham in lak tuma an hel kum 26 mi Genoa leh Iceland forward Albert Gudmundsson an ngaihven thar ve leh. (Gazzetta dello Sport – in Italian)

C Arsenal chuan Germany midfielder Kai Havertz lakah dawhtheihna an nei ta lova, kum 24 mi hi nipui bazar inhawn huna hralh dan an ngaihtuah. (Fichajes – in Spanish)

C Bayern Munich chuan January thla khan Mykhailo Mudryk chu loan in hawh an tum a. Bayern dawrna hi Chelsea chuan an hnar fithla. (Fabrizio Romano)

C Newcastle sporting director Dan Ashworth chu Manchester United in an hnen atanga chhuak tura ngaih John Murtough thlaktu tura an duh ber a ni a. Sir Jim Ratcliffe-a’n United a chanvo 25% a lei fel hnuin John Murtough hian Old Trafford a chhuahsan ngei tura ngaih a ni. (The i)

C Bayern Munich manager Thomas Tuchel chu Barcelona in season tawp ruala a hna bansan tur manager Xavi hmunruak luahtu tura an duh zual zingah a tel. (Sport – in Spanish)

C Barcelona hian Brighton manager ni mek Roberto de Zerbi chu an manager thar atan duh viau mah se sum leh paia an harsat vangin an rawih theih hmel loh thung. (Matteo Moretto)

C Portugal right-back Joao Cancelo-a season kal mek tawp hunah pawh Barcelona-a a cham zel theih nan hma a la. Cancelo hian Manchester City atangin Barcelona hi loan in a zawm a, City ah kir tawh lovin Catalan club lianah cham chhunzawm an duh. (Mundo Deportivo – in Spanish)

C Argentina midfielder Enzo Fernandez chuan Chelsea chhuahsan a duh niawma thuthang awm chu a hnawl a. Stamford Bridge-ah a la hlim tawk tak zet niin a sawi. (ESPN)

C Crystal Palace chuan an manager thar tura an duh Kieran McKenna chu a club enkawl mek chhuahsan tura an nawr danin Ipswich a tilungni lo hle a. Roy Hodgson hmunruak luahturin McKenna hi nipui bazar inhawn hunah an lak theih an inbeisei hle tho thung. Guardian)

C Real Madrid midfielder Toni Kroos chuan a club hlei Bayern Munich lamah kir a tum lo va, international football chawlhsan tawh mah se Germany tana khel turin a kir leh mai thei niin a sawi thung. (90 Min)