Football titi

C MLS club Charlotte FC chuan Newcastle leh Paraguay forward Miguel Almiron chu £16m sengin an la fel thei tep tawh. (Sun)

C Everton chuan January thla chhungin kum 23 mi Republic of Ireland defender Jake O’Brien dawrtu an awm a nih pawhin ngaihven an tum lo. (Mirror)

C Tottenham chuan England leh Wolves goalkeeper Sam Johnstone lak tumin hma an la. (Mirror)

C Juventus in ngaihven bawk mah se England centre-back Fikayo Tomori chuan AC Milan-ah cham chhunzawm zel a la duh zawk. (Gazzetta dello Sport – in Italian)

C Manchester United chuan January thlaah Brazil winger Antony hralhchhuah an tum a, kum 21 mi hi Real Betis in lak tumin an ngaihven. (Caught Offside)

C Tottenham, Leicester leh Bayer Leverkusen te chu kum 22 mi Udinese defender Thomas Kristensen lak tumin an inel hlawm. (Football Insider)

C Leicester chu Manchester United left-back Harry Amass lak tum eng emawzat zingah an tel. (Mail)

C Paris St-Germain chuan Jhon Duran an ngaihven a, Aston Villa chuan kum 21 mi Colombia striker hi £60m vel bawrin hralh an tum tura ngaih a ni. (Talksport)

C Catalan club lian Barcelona pawhin Duran hi an ngaihven ve bawk a, an sporting director Deco chuan Duran-a aiawhte a hmuh tawh nghe nghe. (Sport – in Spanish)

C Bayern Munich chuan Manchester United in Sporting atanga lak an tum Sweden striker Viktor Gyokeres chu hruai pen daih an tum. (Star)

C Saudi Pro League club te chuan tun thla chhung hian Manchester United atangin Brazil midfielder Casemiro lak ngei an tum. (Telegraph – subscription required)

C Manchester United leh Tottenham te chuan January thla chhungin France striker Randal Kolo Muani chu Paris St-Germain atangin hawh an tum a. Kum 26 mi hi Juventus pawhin an ngaihven ve bawk. (Athletic – subscription required)

C Marcus Rashford chu AC Milan in loan in hawh an duh a, an lak leh lak loh hi Manchester United in a hlawh an tumpui theih leh theih lohah a in nghat thung ang. (Guardian)

C Juventus chuan United a beisei phak rih lo Netherlands forward Joshua Zirkzee chu loan in hawh an duh a. Kum 23 mi hian Old Trafford chhuahsan a chak lo viau thung. (Sky Sports)

C Manchester United chuan Juventus hnenah Serbian striker Dusan Vlahovic chu Zirkzee nen inthleng turin an sawm. (Teamtalk)

C Brazil midfielder Douglas Luiz chu Juventus in chhuahtir an hreh lo va, Premier League club pahnihin lak tumin an ngaihven nghal. (Sky Sports News, via Football Italia)

C Real Betis chu Manchester United atanga Brazil winger Antony chu tun season chhung loan a hawh tum eng emawzat zingah an tel. (Independent)

C Crystal Palace chuan Sunderland in £20m. zet an chhiar kum 19 mi English midfielder Jobe Bellingham lak tumin an ngaihven. (Talksport)

C Juventus chuan West Ham striker Niclas Fullkrug chu January thlaah loan in hawh an tum. (Calciomercato – in Italian)

C Chelsea chuan January thla chhungin Crystal Palace-ah loan-a an khelhtir mek English defender Trevoh Chalobah an ko haw dawn nge, defender thar lei tur an zawng zawk dawn tih chungchangah thutlukna an la siam fel thei lo. (Teamtalk)

C Liverpool chuan Feyenoord leh Algeria winger Anis Hadj Moussa lak an tum. (Football Insider)

C Liverpool chuan Napoli in an ngaihven mek Italy forward Federico Chiesa chu January thlaah chuan loan in an tirchhuak rih dawn lo niin Chiesa agent chuan a sawi. (365scores, via Liverpool Echo)

C Liverpool chuan £50-60m vel bawra kum 25 mi Uruguay striker Darwin Nunez dawrtu an awm a nih chuan pawm turin a inpeih. (Football Insider)

C AC Milan chu Manchester United leh England forward Marcus Rashford ngaihventu thar lam ber an ni. (Mail)

C West Ham chuan January thla chhungin an tlarhma thuamchak ngei an duh a. Striker thar lak an duh zual zingah Brighton striker Evan Ferguson, Wolves forward Hwang Hee-chan leh Middlesbrough forward Emmanuel Latte Lath te an tel. (Telegraph – subscription required)

Arsenal in ngaihven bawk mah se Brazil striker Matheus Cunha chuan hlawh sang zawk hlawh turin contract thar a ziak fel thei tep tawh. (Telegraph – subscription required)