c Spain boss Luis Enrique chu Chelsea in champions league quarter-final-ah Real Madrid an hmachhawn hmaa an manager atan an ruat loh vangin a lungni lo hle. Chelsea in Barcelona atanga Gavi lak an tumna kawngah a puih theih an beisei vangin Enrique hi Chelsea manager thar a nih a rinawm viau tho thung. (AS – in Spanish)
-- Advertisement --
c RB Leipzig leh AC Milan te te chu Arsenal leh England Under-21 striker Folarin Balogun lak tumin an inel dawn. Kum 21 mi Balogun hian loan in Reims-ah a khel mek a, Ligue 1-ah a chet that vangin ngaihven a hlawh hle. (Calciomercato – in Italian)
c Manchester in Burnley atanga an hawh mek Dutch striker Wout Weghorst chu a ngheta an lak hmel loh vangin Besiktas chuan an player hlui hi lak kir leh an duh. (Goal)
c West Ham leh England midfielder Declan Rice chuan nipui bazar inhawn huna zawm turin Arsenal a thlang dawn. Kum 24 mi hi Newcastle United pawhin an ngaihven naa Gunners hian a lung a len zawk. (Talksport)
c Newcastle United in player langsar lak an tum zingah Rice hi a la tel zel a. Rice bakah hian Leicester City midfielder James Maddison, leh Brentford forward Ivan Toney te pawh an tel a. Elpui hautak tak an nei ngei dawn thung. (Telegraph – subscription required)
c Bayern Munich leh Netherlands midfielder Ryan Gravenberch chuan Liverpool hnenah nipui bazar inhawn hunah Anfield pan turin a inhawng tih a hrilh. (Mirror)
c Barcelona chu free transfer-a Manchester City leh Germany midfielder Ilkay Gundogan la turin an inringtawk hle. Kum 32 mi hian season tawp rualin City-a a contract a hmang zo dawn a, contract thar ziah belh a tum tawh lo. (Times – subscription required)
c Tottenham chuan Chelsea in an manager thar atana ruat an tum Barcelona manager hlui Luis Enrique chu an manager thar atan an duh ve a, Chelsea an chuhpui dawn. (Telegraph – subscription required)
c Jose Mourinho-a’n French champion Paris St-Germain a pan a nih chuan Spurs boss hlui Antonio Conte chuan Roma enkawl a rilruk. (Calciomercato, via Mirror)
c Aston Villa, Everton leh West Ham te chuan Inter Milan leh Argentine forward Joaquin Correa an ngaihven. (Sport Witness)
c Chelsea chuan nipui bazar inhawn hunah Conor Gallagher hralh an tum dawn. Kum 23 mi England midfielder Gallagher hi Premier League club leh European club hrang hrangten an ngaihven hlawm. (Mail)
c Arsenal chuan Reiss Nelson hnenah contract thar an zawrh ngei a, mah se kum 23 mi Nelson hma lam hun tur a la chiang thei chuang lo. Aston Villa, Fulham, West Ham leh Brighton te chu Nelson ngaihventu zingah an tel. (Mail)
c Aston Villa chuan nipui bazar inhawn hunah Manchester City leh England right-back Kyle Walker lak an tum chhin dawn. Kum 32 mi Walker hian kum 2024 thleng chauh City-ah contract a nei tawh. (Football Insider)
c Chelsea chuan £17.6m vel zet sengin kum 15 mi Columbian midfielder Kendry Paez lei an tum a. An lei fel thei a nih pawhin Paez hian kum 2025 a kum 18 a tlin hunah Chelsea hi a zawm chauh thung ang. (Fabrizio Romano)