c Real Madrid chuan Borussia Dortmund leh England midfielder Jude Bellingham chu an hnen pan turin hmin ngei an tum a. An club official te chu Germany lamah Bellingham dawr turin an zin dawn. (Marca – in Spanish)
-- Advertisement --
c West Ham leh England midfielder Declan Rice chu Arsenal in nipui bazar inhawn huna player lak an tum ber a ni. (Telegraph – subscription required)
c Manchester United leh Brazil midfielder Casemiro chu Bayern Munich manager Thomas Tuchel an nipui bazar inhawn hunah lak a tum dawn. (Kicker – in German)
c Bayern boss Tuchel hian Chelsea leh Croatia midfielder Mateo Kovacic nen thawhdun leh a duh bawk. (Sport1 – in German)
c Premier League club lian Liverpool, Manchester United leh Arsenal ten ngaihven bawk mah se Bayern Munich chuan kum 20 mi Netherlands midfielder Ryan Gravenberch chu nipui bazar inhawn hunah hralh tumna an nei lo. (CaughtOffside)
c Bayern Munich boss hlui Julian Nagelsmann chu Tottenham manager thar ni tura rinkai pali zingah a la tel. (Telegraph – subscription required)
c Manchester United interim manager hlui Ralf Rangnick chuan Nagelsmann hi Tottenham enkawl ngei turin a kar. (Guardian, via Sky Sports Germany)
c Manchester City chuan Arsenal left-back Kieran Tierney lak an tum dawn a. Kum 25 mi Scotland international hi Aston Villa leh Newcastle United te pawhin an ngaihven ve bawk. (Football Insider)
c Aston Villa chuan Brentford leh England striker Ivan Toney lak an tum. (Football Insider)
c Portugal forward Joao Felix chuan nipui bazar inhawn hunah Atletico Madrid -ah kir a tum rih lova, loan-a a zawm mek Chelsea a cham chhunzawm a tum. (Sun)
c Brighton chuan Watford atangin kum 21 mi Brazilian striker Joao Pedro an la fel thei tep tawh. (Fabrizio Romano)
c Brighton boss Roberto de Zerbi chuan club hruaitute nen indawr turin ruahmanna a siam a. Zerbi hian player lak chungchangah thuneihna tam zawk neih a duh. (Mail)
c Napoli chuan Tottenham atanga an hawh mek France midfielder Tanguy Ndombele chu 30m euro (£26.5m) sengin la nghet thei mah se a ngheta lak luh an tum lo. (Nicolo Schira)
c Manchester United chu Monaco leh Brazilian right-back Vanderson lak tumin an inbuatsaih a. Kum 21 mi la tur hian Premier League club dangte nen an inel viau a ngai dawn thung. (RMC Sport via Sun)
c AC Milan chuan Arsenal nen contract thar chungchanga inremna la nei fel thei lo winger Reiss Nelson dinhmun an thlithlai. (Calciomercato via Football Italia – in Italian)
c AC Milan hian Chelsea leh England midfielder Ruben Loftus-Cheek an ngaihven tel bawk. (90min)
c Brentford, Fulham leh Brighton scout te chuan Ghana forward Joseph Paintsil an thlithlai hlawm. Kum 25 mi hian season kal mekah Genk tan goal 14 a thun tling tawh. (Telegraph – subscription required)