Zirtawp zing khan NBA conference play-off khelh chhunzawm a ni a. Boston Celtics chuan an khingpui Atlanta Hawks chu a vawi li nan an hneh a, semi-final an lut. Celtics hian Philadelphia 76ers an hmachhawn zui leh ang.
Series-ah 3-2 a hmahruai mek Celtics leh semi-final luh beisei zui tura chak ngei ngei mamawh Hawks te hian hmuhnawm takin bul an tan a. Quarter khatnaah inhnehtawk taka an inlehpelh zak zak hnuin Celtics hi point khatin an chungnung thei hram.
Quarter hnihnaah an inhnehtawk lehzual a, point 33 ve ve thawkchhuakin an inhnehtawk a. Celtics hian point khata hmahruai chungin chawlhlawk an hmang.
Chawlhlawk hnu lamah Hawks in bul an tan tha ve thung a. Quater thumnaah point thuma chungnungin Hawks chian chak beiseina sang zawk an nei.
Hawks phur hman viau mahse quarter hnuhnung berah Celtics an khel tha ta viau thung a. Point 10 zeta chungnung zawkin an mamawh hnehna an chang a, semi-final an lut. Point 128-120 a Atlanta Hawks an hneh tum hian Celtics tan Jaylen Brown chuan point 32 a thawkchhuak a. Jayson Tatum chuan point 30 a thawkchhuak ve bawk.
Boston Celtics hian semi-final-ah inkhel hautak zawk an hmachhawn zui a ngai dawn a. Play-off quarter-final-ah 4-0 ngawta Brooklyn Nets sawptu Philadelphia 76ers an hmachhawn a ngai dawn. Celtics 76ers nen hian inhnehtawk hle tura ngaih an ni.
Celtics in semi-final an lut
Get real time updates directly on you device, subscribe now.
Prev Post
Next Post