Football titi

c Liverpool chuan £70m zet senga Brighton leh Argentina midfielder Alexis Mac Allister lak tuma intlansiaknaah tel tawh loh mai an rilruk. (Mirror)

c Chelsea manager thar tur Mauricio Pochettino chuan kum khat chauh contract nei tawh Mason Mount chu Stamford Bridge-ah cham chhunzawm turin a duh. (Mail)

c Chelsea hi £70m tawktarha Brighton leh Ecuador midfielder Moises Caicedo dawr turin an inpeih. (Fichajes – in Spanish)

c Manchester City leh England defender Kyle Walker chu ram dang atanga sawmna hnar a, City-a a contract hmang zo turin a inpeih. (Sun)

c Club neitu chungchang tihfel a ni tep tawh a hei vang hian Manchester United leh Argentina defender Lisandro Martinez chu hlawh sang zawk la thei tur zingah a tel. (Sun)

c Premier League atanga an tlahniam a nih chuan Everton chuan Belgium midfielder Amadou Onana lak tuma £50m a dawrna an pawm mai a ngai dawn. (Football Insider)

c Barcelona chuan Wolves leh Portugal midfielder Ruben Neves an ngaihven. (Talksport)

c Borussia Dortmund leh England midfielder Jude Bellingham chuan ‘plastic club’ zawm a duh loh vangin Manchester City a hnar niin report a ni. (FourFourTwo)

c Bellingham-a nau kum 17 mi Jobe Bellingham chuan Birmingham City atangin Sunderland a zawm fel thei tep tawh a. Inrinni zanah play-off semi-final an khelh tumin Stadium of Light-ah a thlalak tarchhuah a ni tawh nghe nghe. (Northern Echo)

c Aston Villa chuan Real Madrid & Spain midfielder Marco Asensio leh Barcelona forward Ferran Torres lak an duh. (Sport – in Spanish)

c Torres hian Aston Villa in an dawr loh thu leh Barcelona-ah cham chhunzawm a duh thu a sawi ve thung. (Mundo Deportivo – in Spanish)

c Real Madrid chuan French full-back Ferland Mendy hralh an rilruk a, hei hian Arsenal beng a verh hle. (Mirror)

c Manchester United chu Bayern Munich leh Netherlands midfielder Ryan Gravenberch lak tuma intlansiak zingah an tel. (Football Insider)

c Atletico Madrid leh Racing Club de Montevideo te chu Uruguayan centre-back Santiago Mourino chungchangah an indawr. (Marca – in Spanish)

c Rawlthar duhawm Liverpool defender Isaac Mabaya chuan Anfield-ah cham chhunzawm zel turin contract thar a ziak. (Liverpool Echo)

c Manchester City chuan AFC Wimbledon atangin England Under-16s goalkeeper Spike Brits an la fel thei tep tawh. (Fabrizio Romano)

c Manchester United chuan West Ham leh England midfielder Declan Rice lak tumin insiamrem an tum a. Mah se Rice hi Arsenal in an lak an rinawm chhunzawm zel thung. (Guardian)

c Marseille leh France midfielder Matteo Guendouzi chuan Rice hmunruak luahin West Ham a pan hmel. (Mirror)

c Manchester United manager hlui Ole Gunnar Solskjaer chuan season kal mekah goal 51 zet thun tling tawh striker Erling Haaland hi Molde tan a khelh laiin £4m let senga lak theihna remchang an neih thu a sawi. (Sun)

c Chelsea chuan Liverpool hmakhalhin Brighton midfielder Alexis Mac Allister an lak theih hmel ta hle. Blues hian kum 24 mi manah Seagulls in loan-a an hawh mek Levi Colwill pek tel an phal. (Express)