Football titi

c Manchester United chuan nipui bazar inhawn hunah an squad thuam chak thar viau an tum a. Tottenham striker Harry Kane, West Ham midfielder Declan Rice leh Chelsea midfielder Mason Mount te lak an duh. (Sky Sports)

c Real Madrid pawhin England captain Kane lak theihna hun tha an nei dawn. (Cadena Ser – in Spanish)

c Manchester United in Mason Mount an la a nih chuan Netherlands midfielder Donny van de Beek leh Scott McTominay ten Old Trafford an chhuahsan ve thung ang. Newcastle leh West Ham in kum 26 mi Scotland midfielder hi an ngaihven. (Sun)

c United hian free transfer in Juventus leh France midfielder Adrien Rabiot lak an tum a. Kum 28 mi Rabiot agent, a nu ni bawk nen indawr turin an inkau reng tawh. (Nicolo Schira)

c Arne Slot-a’n Feyenoord-ah cham chhunzawm tura thutlukna a siam tak vangin Tottenham chuan Celtic boss Ange Postecoglou chu an manager thar atan an ngaihven thar hle. (Independent)

c Spurs hian Leicester manager Brendan Rodgers, Chelsea boss hlui Graham Potter leh former Spain head coach Luis Enrique te pawh an manager thar ni tura an duh zual zingah an dah bawk. (Football Transfers)

c Hetihlai hian Enrique hi Paris St-Germain head coach Christophe Galtier thlaktu tura rinkai zualah a tel ve mek bawk. (Goal)

c Chelsea leh Liverpool te chuan Belgium midfielder Romeo Lavia an thlithlai a. Manchester City chuan an player hlui lak tumna an nei lem lo thung. (Times – subscription required)

c Newcastle United chu champions league-ah khawng zawka inlan turin inthuam thar viau an tum a. Leicester City leh England midfielder James Maddison leh Arsenal & Scotland defender Kieran Tierney chu lak an tum zual zingah an dah. (i Sport)

c AC Milan chuan Chelsea leh England midfielder Ruben Loftus-Cheek chu nipui bazar inhawn huna lak an duh zual zingah an telh. (Fabrizio Romano)

c AC Milan chuan Liverpool chhuahsan tur forward Roberto Firmino a aiawhte an hmu a, Brazil international Firmino lak tumin hma an la. (Calciomercato – in Italian)

c Manchester United chuan Leeds United midfielder Tyler Adams an hmutai zui zel a. EPL atanga an tlahniam a nih chuan Leeds United tan United States captain hi chelh a har viau tura ngaih a ni. (Football Insider)

c Newcastle chuan RB Leipzig midfielder leh Hungary captain Dominik Szoboszlai an lo belchiang tawh. (Sky Sports)

c Fulham chuan Brazilian forward Willian chu an hnenah cham chhunzawm turin a duh a. Willian-a aiawhte hi an dawr. (Fabrizio Romano)

c Everton chuan Botafogo head coach Luis Castro chu an manager ni mek Sean Dyche thlaktu atan an hual. (Daily Record)

c Paris St-Germain chuan Sporting Lisbon leh Uruguay midfielder Manuel Ugarte an dawr. Kum 22 mi Ugarte hi Chelsea pawhin an ngaihven ve bawk. (Fabrizio Romano)

c Argentina forward Angel di Maria chuan season tawp rualin Juventus chhuahsan a tum. Di Maria hi MLS leh Saudi Arabian club ten lak an duh hlawm. (90min)