Premier League-ah 13-na ni mek Nottingham Forrest chuan an squad an thuam chak zui zel a, season tawp thleng an hnena cham turin Andre Ayew an la lut. Forrest hian EPL-a an kir hnuin player 19 zet an la lut tawh.
-- Advertisement --
English football a tawnhriat ngah tak hian Swansea leh West Ham tan a lo khel tawh thin a. Kum 2019 khan Swansea City chhuahsanin Qatar club Al Sadd a zawm. Middle East lamah kum hnih chhung hun a hman hnuin a zalen a, club a nei lo. Club nei lovin awm bawk mahse EPL club Everton in an sawmna erawh a hnar thung a. EPL-ah 13-na ni mek Nottingham Forrest a zawm ta zawk.
Nottingham Forest boss Steve Cooper hian Wales ah hna a thawh laiin Ayew hi a hrechiang chiang viau a, lak theihna hun remchang a neih bawh pelh lovin a la lut ta chat. Ghana tan vawi 113 zet khel a, World Cup pathumna inlan tawh Ayew hi a chhawr tangkai thei viau tura ngaih a ni.