FPO-te tana Mega Conclave Union Coop minister-in hawng

Union Home Minister leh Minister of Cooperation Amit Shah chuan July 14 khan National Mega Conclave on FPO chu New Delhi-ah a hawng.
Prime minister Narendra Modi-a’n hmathlir danglam tak neiin Ministry of Cooperation hran din turin thutlukna a siam tih Amit Shah hian sawiin, Modi sawrkar hnuah agriculture sector-ah inthlak danglamna nasa tak a awm tih a sawi. Ministry of Cooperation chu loneitute hnena hamthatna a thlen theihna’n siam a ni tih a sawi bawk.
PM Modi sawrkarin cooperative sector-ah thil tam tak a tih thu Union Cooperation minister hian sawiin, PACS (Primary Agricultural Credit Societies) bylaws siam tawh chu state 26-in an pawm tawh tih a sawi. PACS hnuaiah bawnghnute atana bawng vulhtute leh sangha mantute chu Committee angin hna a thawk thei tawh dawn tih sawiin, petrol pump, gas agency, CSC, damdawi dawr man tlawm zawk leh buhfai dawr man tlawm zawk, a dahkhawl hna pawh a thawk thei tawh dawn tih a sawi.
Har Ghar Jal Committee hnuaiah tui enkawl kawngah sumdawnna hna a thawk thei dawn tih sawiin, Modi sawrkar chuan hna hrang hrang 22 chu PACS nena thlunzawm turin thutlukna a siam tih a sawi a. FPO, PACS leh Self Help Group te chu an inzawm tlat chuan thingtlang lamah agriculture leh ran vulh lama hmasawnna a intan dawn tih a sawi a ni.