France 14-0 Gibraltar !!

Inrinni zan Euro 2024 qualifying-ah insawpna lian thlengin, assist vawihnih neitu Kylian Mbappe chuan ‘hat-trick’ a siam a, France chak chianber tum record a ni.
France hian first half-ah goal sarih thunin, second half-ah chuti zat bawk goal an khung leh a; first half minute 18-a own goal tiluttu Ethan Santos hnawhchhuah a ni kha Gibraltar-in an tuar a tih theih ve pah bawk ang.
Tarlan tak angin, minute thumna lekah Jonathan Clauss-a cross chu Santos hian an lam goal-ah a thun palh a, chu chu France goal hmahruai ni nghalin, an thah fel awrh tihah Marcus Thuram chuan sihnih faia mualneitu team hmahruaina a thawh zui ve leh.
Les Blues kha nakkum Germany ram tournament khel tura an group atanga tlang chiang tawh ni mah se an ti mai mai lo a, an forward chhuantawlawl Mbappe pawh an hahdamtir duh lo a, darkar chanve an khelh tlin rualin PSG striker hian penalty atangin a goal khatna a tilut a, goal hnih dang chu second half-a a thun a ni thung.
France goal thumna khungtu rawlthar Warren Zaire-Emery kha Inrinni zana khelmual a luh lai khan kum 17, thlariat leh ni 11 chiaha upa niin, kum 1914 hnu lama France tana khel thei naupangber a ni.
Zaire-Emery khan national team-a a debut-ah goal a khung a, hliam avangin a khel tluanchhuak thei lo thung.
France tan hian Kingsley Coman leh Olivier Giroud-te’n goal hnih ve ve thawhin, Clauss, Youssouf Fofana, Adrien Rabiot leh he goals started flowing again as Coman and -te’n goal khat diat diat an thawh ve bawk.
France khan hun pumin mikhual goal zawnah tum 39 tehreng ball an thawnlut a, Gibraltar lamin vawikhat mah goal zawna ball vawrhluh an nei lo thung!