G-a Mizo topper-te lawmpui

G-a Mizo topper-te lawmpui
Mizo Students’ Union chuan kumin under graduate exam result-a Mizo topper-te lawmpuina Ningani khan a buatsaih.
He hun hmanpuitu deputy chief minister Tawnluia chuan kan ram leh hnam Pathianin min pek hi min nekchep a, min rapbettute laka vawnghim tur leh kan hnam chhan chu tudang kut niloa thalaite kutah a innghah thu a sawi a. Kan ram, kan hnam vawnnunna turin thalaite ah nationalist spirit kan inzirtir a, kan thinlungah hnam rilru kan intuh thar a ngai tih sawiin, “Khawi hmunah pawh awm ila, Mizo nihna vawngnungin chawinung zel ang u,” a ti.
Hmanpuitu dang Law minister TJ Lalnuntluanga chuan vawiina lawmpuina hlan zirlaite chu naktuk lawka kan ram, kan sawrkar hruaitute leh office hmun pawimawh tak tak luahtute an la ni dawn, tiin, “Kan ram leh hnam hmangaihna pu thar turin ka chah duh che u,” a ti.
Mizo topper lawmpuina hlante hi 26 an ni.