G.I.G Motors-in ni khata lirthei booking an dawn tam ber tum an tawng

G.I.G Motors-in ni khata lirthei booking an dawn tam ber tum an tawng
G.I.G Motors chuan Inrinni kalta kan lirthei lei tura inziak lut (booking) ni khat thil thua an neih tam ber tum tawngin, lirthei lei tuma inziak lut 45 an nei.
G.I.G Motors hian 2017 atang khan Mizorama Maruti Suzuki dealership an la a, tunah hian kum riat an tling ta a, Mizorama Maruti Suzuki kutchhuak lirthei hrang hrang hralhchhuah hna an thawh chhungin September ni 20, 2025 khan ni khat thil thua lirthei lei tuma inziak lut an ngah ber tum a la ni.
India sorkar-in GST 2.0 a hman dawn tak avangin lirthei lei tumte tan offer tha tak tak pek a ni a, offer san lai ngeia lirthei lak hman tumin G.I.G. Motors hnuaia Arena leh Nexa showroom kaltlanga booking hi tih a ni a, Inrinni kalta a booking ti te hnenah hian vawiin atangin lirthei hi an pechhuak tan nghal dawn a ni.
G.I.G. Motors hnuaiah hian lirthei hralh chhuahna showroom pathum- ARENA, Edenthar; NEXA, |huampui leh Commercial, Chaltlang te awmin, hei bakah hian Lunglei Outlet an nei bawk a, heng lirthei hralh chhuahna hmun li atang hian September thla chhungin lirthei 250 chuang pek chhuah hman ngei an inbeisei niin G.I.G. Motors thawktu te chuan an sawi.