Grant dil NGO/VO tan huntiam siam

Sawrkar laipui Ministry of Tribal Affairs chuan scheduled tribes (ST) hamthatna atana hma la tu NGO leh voluntary organisation-te hnenah ‘Aid to Voluntary Organizations Working for the Welfare of Scheduled Tribes’ scheme hnuaiah grant -in-aid a pe thin a. He grant dilna leh endik kawngah hian tlai (delay) a awm fo thin avangin 2026- 2027 sawrkar kum atana project kal mek (ongoing projects) tan hun tiam (timeline) khauh tak a siam thar.
Ministry of Tribal Affairs hriattirna ang chuan, he scheme hnuaia project kal mek (31st March 2026 thlenga grant la mek) chuan an dilna chu NGO Grants Portal-ah 2026 April 30 ral hmaa thehlut ngei turin a ti a. Hun tiam chhung hian dilna thehluh theihna portal hi a inhawng anga, hun a tawp hnuah erawh eng thilah pawh portal hi hawn nawn a ni tawh dawn lo tih a sawi.
Portal khar hmaa thehlut hman lo chu ngaihtuah sak an ni tawh dawn lo, tiin, NGO-ten dilna an thehluh hnu hian district authority-in uluk takin an endik (scrutiny leh physical inspection) anga, chumi hnuah state sawrkarah thehluh a ni dawn tih a sawi a ni.