Grape wine zawrh theih chhan CM lawmthu hrilh

Hnahlan Grape Farming & Processing Cooperative Society hruaitute chuan Ningani khan chief minister Lalduhoma an kawm a, amah vanga dan anga grape wine zuar leh thei an ni tih an inhriat thu an hrilh. Tuna an hmuh chhan ber pawh lawmthu sawi turin a ni tih an sawi a ni.
Chief minister chuan grape chin chu chhungkaw tam tak eizawnna pawimawh a nih tawh avangin an hmalakna hi tihpuitlina tih len zel tul a tih thu a sawi a. Winery tilian tura ruahmanna siam mek pawh Industries department kaltlangin chak taka an bawhzui tur thu leh, tihhlawhtlin ngei an tum tur thu sawiin, “In dilna hi sawrkarin a bawhzui dawn a ni,” a ti. Wine vendor license chungchang pawh sawrkarin chik zawka a lo zir tur thu a sawi bawk.