Govt Aizawl College-in thing phun uar tura inzirtirna Green GAC Day 2023 an buatsaih chu Thawhtanni khan EF&CC minister TJ Lalnuntluanga chuan an college campus, Mualpuiah a hawng
Minister chuan tlawmngai pawl, thalai leh zirlaite thinlungah thingphun pawimawh zia a thawh nasat thu sawiin, Mizoramin forest cover zaa 84.5 hial a nei tih a sawi a. GAC campus chhunga thingphun chuan rah tha tak chhuah se a duh thu a sawi. Kan thingphunte enkawl zuia awmze nei lehzuala phun a ngai tih sawiin, tui hna a lo pun a, boruak thianghlim kan neihna’n bakah sava leh ramsate chhena tur ramngaw siam kawngah a sulsutu ni tura chahin, campus chhung boruak thianghlim leh tha bakah Aizawl chawm tur boruak tha siamtu thingphun uar a, enkawl zui turin zirlaite a sawm a ni.
Green GAC Day-ah hian thing chi hrang hrang kung 200 chuang phun tum niin, GAC hian Mualpui Campus hi kum 2021-ah luah tanin, nature park te pawh siam a ni.
Green GAC Day hawng
Get real time updates directly on you device, subscribe now.
Prev Post
Next Post