Ningani zing khan khan NBA play-off game hnihna khelh chhunzawm a ni a, game khatnaah Los Angeles Lakers hneh lova tlawm Memphis Grizzlies chuan hnehna an chang a, LA Lakers an nih rual. Inkhel dangah Milwaukee Bucks in Miami Heat an hneh ve bawk.
Grizzlies hian play-off game khatnaa an hneh loh LA Lakers lakah bul an tan tha viau a, quarter hmasa pahnihah chungnung zawkah an tang ve ve a. Quarter hnuhnung pahnihah hnufual zawkah tang ve ve mah se an hmahruaina an hum tlang ta tho thung.
Lakers nih rual tura chak mamawh Grizzlies hian quarter khatnaah point 30 thawkchhuakin, point 11 in chungnung zawkah an tang nghal a. Quarter hnihnaah point liin an chungnung zui leh a, point 15-a hmahruai chungin chawlhlawk an hmang. Chawlhlawk hnu lamah LA Lakers in point ngain an inkar tizim bawk mah se Grizzlies hian point 103-93 in hnehna an chang zui ta tho a ni.
Ningani zinga inkhel hmuhnawm takah Milwaukee Bucks chuan play-off game khatnaa an hneh loh Miami Heat chu point 138-122 in an hneh a, series ah 1-1 a ni ta chiah. Ningani zinga inkhel dangah Denver Nuggets chuan Minnesota Timberwolves an hneh nawn leh a, series ah 2-0 in hma an hruai ta chiah.
Grizzlies in LA Lakers an nihrual
Get real time updates directly on you device, subscribe now.
Prev Post
Next Post