Kum 2024 a khelh tan tur AFC Asian Cup 2023 a tel tur ram 24 te group hrang hrangah then darh an ni ta a. India chu Group B-ah an awm.
AFC Asian Cup 2023 draw hi May 11, Nilai zan khan Doha-ah neih fel a ni a. India chu Group B-ah awmin, Australia, Uzbekistan leh Syria te nen an awm tlang dawn. India hian he inelna hi a hma-chhawn vawi ngana tur a ni dawn a. A zawna Asian Cup a hma-chhawn hmasak ber tur a ni thung ang. Asian Cup 2023 hmachhawn tur team 24 te hi group hrang hrang parukah team li zelin then an ni a. Group khata titha zual pahnih ten direct in last 16 an lut ang a. Group-ah pathumna ni zinga titha zual paliin last 16 an lut zui ve leh ang.
Asian Cup 2023 hi 16 June – 16 July 2023 chhungin China-ah khelh tura ruahman a ni zet a. Covid 19 hripui leng vangin China-ah nghah ngam a ni lova, champion lai Qatar in an thleng nawn leh dawn ta a ni.
Asian Cup 2023 Group
Group A: Qatar, China, Tajikistan, Lebanon
Group B: Australia, Uzbekistan, Syria, India
Group C: Iran, UAE, Hong Kong, Palestine
Group D: Japan, Indonesia, Iraq, Vietnam
Group E: South Korea, Malaysia, Jordan, Bahrain
Group F: Saudi Arabia, Thailand, Kyrgyz, Oman
Group B-ah India
Get real time updates directly on you device, subscribe now.
Prev Post
Next Post