EPL 2022-23 ah champion tuma tan khawh mek Arsenal chuan an si ngak pawimawh Aaron Ramsdale chu contract thar ziak turin an dawr a. Gunners tana rinawm Ramsdale hian contract thar a ziak hnai niin ESPN in a tarlang.
Season kal mekah Arsenal tan Premier League-a la khel kim vek a, clean sheet vawi 13 zet nei tawh Aaron Ramsdale hian kum 2021 khan Arsenal hi a zawm a. Gunners hian Sheffield United atangin lak nan £24m zet an seng. Champion beisei ngam khawpa an chet that theih nan English si nghak hian a thawhhlawk hle a. EPL si nghak zinga tha ber zingah a tel mek.
Chawlhkar khatah pound 60,000 hlawh mek Ramsdale hi Arsenal in contract thar an zawrh a. Contract thar a ziak a nih chuan a hlawh hi a let zeta tamin a pung chho tura ngaih a ni. Contract thar chungchanga an indawrna hi a kaltluang viau a. Inremna tluantling an nei fel thuai dawn niin tarlan a ni.
Gunners a rinawm Aaron Ramsdale
Get real time updates directly on you device, subscribe now.
Prev Post
Next Post