GST hotu leh larsap-in GST sawi
Mizoram Goods & Service Tax zirchianga lo zin Central GST, CEX & Customs Guwahati Zone chief commissioner Yogendra Garg chuan Nilaini khan larsap Dr Hari Babu Kambhampati chu Raj Bhavan-ah a kawm.
Chief commissioner chuan Mizoram a rawn tlawh chhan hrilhin, Mizoram GST dinhmun a sawipui a. Mizoramah GST kaltlanga chhiah petu an la tlem tih sawiin, a bikin Mizo contractor zingah GST hmanga chhiah pe an la tlem hle tih a sawi. Mipui zingah GST chungchang hriatfiah tawk lohna a sang hle nia a hriat thu sawiin, “Hei vang hian sawrkarin chhiah a hmuh tur ang a hmu tawk lo a ni,” a ti.
Larsap leh Yogendra Garg ten an sawidunna atangin, central lam atanga state GST official-te mumal taka training pekte, mipui zingah GST chungchang uar zawka inzirtirna leh GST-in hamthatna a ken tel hrang hrang inhrilhfiahna lam kalpui uar chu hmalak hmasak ngaihna niin an sawi a. Export Processing Zones leh Special Economic Zones chungchangte a tel. Mizorama hnathawktute hnathawhna hmun siamthat leh state tharchhuah tih pun a nih theih na’n leilung hausakna a neih ang angte chak zawka haichhuahte a tel bawk. Mizoramin chhiah tam zawk a hmuh theihna turin GST petu an tam a ngai hle a ni, tiin, GST chu a nih dan tur ang taka kalpui a ngaih thu an sawi a ni.
GST hotu leh larsap-in GST sawi
Get real time updates directly on you device, subscribe now.
Prev Post