Haj pilgrims-a nunna chan 550 ni tawh

Temeprature sang avanga khawlum lutuk avangin kumin haj laiin pilgrims 550 chuangin nunna an chanphah a.
Nunna chan zinga 323 chu Egyptians te niin an vaiin khawlum kaihhnawih avanga natnain an nunna a la hlawm niin Arab diplomats te chuan an sawi a.
“Egyptians nunna chan te hi khawlum vang deuh vek niin pakhat erawh punkhawmna a innekna a hliam a tawrh vang a ni thung” tiin Arab diplomt chuan a sawi a.
Jordanians 60 in nunna an chan bawk a, AFP thung chuan nunna chan 577 an awm tawh a tih laiin Arab diplomats te chuan Al-Muwaisem morgue a ruang dah chin chu 550 an ni a ti a ni.
Haj hi Islam tana five pillar pakhat niin Muslim te chu an dam chhunga tum khat tal tel tura beisei an ni a.
Biakzinna chu tun hnaiah climate change in a khawih nasa zual niin Saudi study thla kaltaa tihchhuah chuan tarlangin rituala perform na hmun temperature te chu kum sawm danah 0.4 degree Celcius in a sang zel an ti bawk a.
Thawhtanni khan Mecca-a Grand Mosque ah temperature in 51.8 degree Celcius a kai hial niin Saudi national meteorology centre chuan a tarlang.
Egypt foreign ministry chuan Cairo chuan Saudi thuneitute nen haj laia Egyptians an chin hriat lohte chungchangah inbiakna an nei reng a ti a.
Foreign ministry chuan mi thenkhat nunna chan an awm a tih laiin a zat chiah erawh sawi lanna a nei lo thung.
Saudi thuneitute chuan biakzin 2,000 chuang chu heat stress kaihhnawihah enkawla an awm mek thu an sawi a.
Nikum khan khawvel ram hrang hrang atanga haj-a tel mi 240 chuangin nunna an chan a, nunna chan tam ber chu Indonesians te an ni thung.
Mecca pawna Mina a AFP journalist chuan pilgrims te chuan intihdaih nan an lu-ah tui leihin volunteer te pawhin cold drinks leh chocolate ice cream te chu anmahni tidai turin an sem tiin a sawi.
Saudi officials te chuan pilgrims te chu nihliap khum a, tui atam thei ang ber in tur leh ni sa tuar lo hram turin an ngen bawk.
Mahse haj rituals tihnaah a bik takin Mount Arafat a tawngtaina neihah lohtheih lohin chhunah pawna awm ngai a ni thung si a ni.
Kumin hian pilgrims 1.8 million an awm a, heng zinga 1.6 million chu ram pawn lam mi an ni tiin Saudi thuneitute chuan an sawi.
Kum tinin pilgrims sang tel tak meuh te chuan haj chu channel pangngai lo hmangin tihhlawhtlin an tum thin a, a chhan ber pawh official haj visas neih chu a to lutuka an phak loh vang a ni.
Chung pilgrims book hmu ve lote chuan Saudi thuneitu tena haj route a air-conditioned facilities an ruahmante chu an chang ve thei lo a ni.
Kuminah pawh Egyptian zinga nunna chan an tamna chhan ber pawh unregistered Egyptian pilgrims an tam vang niin Saudi diplomat pakhat chuan a sawi a.
“Irregular pilgrims ten Egyptian pilgrims camp ah harsatna siamin service mumal thei lovin an siam a ni” tiin Egyptian official haj mission supervise-tu chuan a sawi a.
“Heng pilgrims te hi eitur nei lo, tui leh air condition lo hnuaiah hun rei tak awm te an ni a. Inhliahkhuhna an neih loh avangin khawlum lutuk avangin an thi a ni” tiin a sawi.
Tun thla tir lam khan Saudi officials te chuan Mecca a haj neih hma in unregistered pilgrims za tel tehmeuh an nawr chhuah thu an lo sawi tawh bawkin a him thei ang bera Haj chu kalpui an tum thu an sawi a ni.