Congress senior leader leh Lok Sabha a opposition leader ni bawk Rahul Gandhi chuan Sonipat a a thusawinaah inthlan hmachhawn mai tur Haryana sorkar-na siam turin an party chu a inpeih tawh thu sawiin, he state tan hian a tha ber kan ti ang, a ti.
Gandhi chuan Haryana an party an sorkar hunah chuan intluktlanna an ngaih pawimawh tur thu sawiin, sorkar in hna nuaihnih chuang a siam dawn a, sorkar hnathawhna hun tha a inherchhuak dawn tiin, engkim langtlang takin, dik lo awm lova an kal tur thu a sawi.
Rahul Gandhi hian Haryana state chu Congress ten dik leh lang tlang taka ro an relna hmun tur a nih thu sawiin, BJP leh party tenau deuhte chu lo inthiarfihlim ngam turin a chah a, a thusawina hmunah hian mipui tam tak pungkhawmin Gandhi thusawi hi an lawm hlawm hle.
Rahula hian a thusawinaah poll hrang hrang lakkhawmah pawh BJP leh party tenau dangte dinhmun hi a chaurau hle a, Congress hi kan sang rih zel chu a ni, tia sawiin. Inthlan an hmachhawn turah pawh Haryana chu Congress sorkar siam ngei tura sawmin, anni lam chuan engkim ruahmanna tha tak an neih tawh thu a sawi bawk.
Haryana a sorkar siam turin Congress a inpeih
Get real time updates directly on you device, subscribe now.