Heroin cheng vbch. 85 man hu man tawh

Ruihhlo hlauhawm heroin a hluar bawk a, police-in tun hnaiah an man tam hle. 2017 hnua an man tawh zat hi cheng vaibelchhe 85 chuang man turah an chhut. CID (Crime Branch) te’n an chhinchhiah danin, 2017 atanga kumin March ni 20 thleng khan heroin hi police-in kg 272.004 an man a, heng zawng zawng hi Rs 85,15,29,600 man tura chhut a ni.
Mizoram Police te’na heroin an man zat hi 2022-ah a pung hluai a, hemi hnu hian nasa tak takin a pung ta zel. 2021-ah kg 15.792 an man a, hei hi a tam tham hle. Mahse 2022-a an man zat chu kg 49.367 a tling a, a hma kuma mi tilang tlem tham a tling. 2024-ah phei kha chuan kg 80.814 an man.
Kuminah pawh an man tam leh tawh a, March ni 20 thleng khan kg 14.572 an man tawh. 2017-ah khan kg 11.174 an man a, kg 11 hi tam tham tak a ni. Mahse kuminah March ni 20 thlenga an man zat aiin a tlem.
2017 January ni 1 atanga 2025 March ni 20 thlenga an man zat atanga chhutin, chawhrualin kum tin kg 32.97 an man ziah ang a ni a, thla tin kg 2.74 an man ziah ang a ni. An man tam ber kum 2024-ah hian chawhrualin thla tin kg 5.67 an man ang a ni.
Heroin man zat
Kum Heroin A man zat
2017 Kg 11.174 Rs 4,02,26,400
2018 Kg 12.850 Rs 4,62,60,000
2019 Kg 10.597 Rs 3,81,49,200
2020 Kg 8.783 Rs 3,16,18,800
2021 Kg 15.792 Rs 5,68,51,200
2022 Kg 49.367 Rs 14,81,01,000
2023 Kg 68.055 Rs 20,41,65,000
2024 Kg 80.814 Rs 24,24,42,000
2025 Kg 14.572 Rs 4,37,16,000
(Mar 20 thleng)