MRB CSR atangin thilpek

MRB CSR atangin thilpek
Mizoram Rural Bank chuan corporate social responsibility kaltlangin pawl pathum hnenah thilpek an hlan.
MRB chairman Sheryl L Vanchhong chuan India ram puma Regional Rural Bank 43 zingah Mizoram Rural Bank chu CSR pe tha ber zing ami a ni tih sawiin, mamawhtute tan theih ang angin an luangchhuak thin tih a sawi.
Tun tumah hian mipui tan tangkai taka thawktu Mizoram Police, Ephatha Society leh Samaritan Society hnenah hlanin, an hnathawh avangin lawmthu a hrilh a ni.
Aizawl SP Rex Vanchhawng pawhin thu sawiin, MRB chu Mizote tan bank tangkai tak leh dawr nuam tak an ni tih a sawi a. Tanpui ngaite leh a mamawhtute hnena thil tihsak thin bank a nih avangin bank hotute leh thawktute chungah lawmthu a sawi a ni.
CSR kaltlanga thil pek dan chu – Vaivakawn Police Station-ah 3 kVA online UPS, Ephatha Society for the Deaf and Hard of Hearing hnenah Rs. 50000, Samaritan Society for the Blind hnenah steel almirah pahnih a ni.