HIV/AIDS laka himna tur hrilh

YMA Ramhlun Venglai Branch an venga tleirawl/ rawlthar kum 13-19 inkarte tan HIV/AIDS laka himna tur inhrilhhriat pahin HSLC leh HSSLC pass tharte lawmpuina hman a ni.
He hun hmanpuitu Aizawl North II bialtu MLA Dr Vanlalthlana chuan tleirawlten hlimna leh hahdamna an zawnnaah beidawnna an tawng ta thin a. Hahdamna tluantling pe theitu Isua Krista bel tlat turin a sawm a ni. Harsatna an tawh hunah pawh chhel tak leh taima taka an tum ram thleng thei tura kal zel turin zirlaite a chah.
MSACS hnen atangin HIV/AIDS chungchanga tleirawlte hriat tur sawi a ni bawk.