HIV/STI laka himna tur Lawngtlaiah tlangau pui

Sawrkar laipui ruahman anga Intensified IEC Campaign – India Fight Against HIV/AIDS & STI hman mek kalzelah Thawhtanni zing khan Lawngtlaiah kawng zawh a. District AIDS Prevention Control Committee Lawngtlai chairman, bawrhsap Cheemala Siva Gopal Reddy chuan a vailiam.
DAPCC chairman chuan natna hlauhawm HIV/AIDS leh STI (Sexualy Transmitted Infections) laka filhlim turin mitin mawhphurhna sang tak kan nei, tiin, a bikin zirlaite chu mipat hmeichhiatna leh ruihhlo laka filhim a tul tih a hrilh a. Rally-a tel zirlaiten ‘banner’ leh ‘placard’ hmanga thuziak chu a taka nunpui tur leh midangte hnena zirtirna pechhawngtu ni theuh turin a chah.
DAPCC member secretary, senior CMO Dr David Zothansanga chuan vanduai vanga kai palh awm thin mah se, HIV/AIDS kaina tam ber chu inpawlna hman fimkhur loh vang leh syringe – thianghlim lo inhmantawm vang a ni tih a sawi a. Lawngtlai khawpui atanga HIV/AIDS leh STI umbo a nih theihna tura thawhpuiah Lawngtlai mipui a sawm a ni.
He campaign hi thla hnih chhung awh tura duan niin, rally bakah quiz, debate leh inelna dang hmanginzZirlaiten hun an hmang thin dawn a ni.