Hliam vanga Euro khel lo tur De jong

March thlaa a kheimit a tihnat kha a la dam tak tak thei lo a, Netherlands midfielder Frenkie de Jong chuan kan hma lawka European Championship pawh hi a khel thei dawn ta lo tih nemngheh a ni.
Ram tana 2022 World Cup leh 2020 European Championship lo khel tawh Barcelona midfielder hian March thlaa hliam a tawh hnu khan a club tan pawh tun thleng hian vawithum chiah a la khel thei a, chuti chung leh hma a sawn ve hret hret avangin beiseina nen Ronald Koeman chuan Euro 2024 squad-ah a telh lui a, mahse, tournament lian khel tur em chuan a inpeihchhuak hman dawn lo tih a chiang tawh a, squad a\angin a inhnukdawk ta a ni.
Netherlands tan game 54-a goal hnih thun ve tawh kum 27 mi De Jong tel loa Germany pan tur Netherlands hian Pathianni hian Group D bul an \anna turah Poland an tum dawn a, group stage match dangah France leh Austria an su zui leh ang.