Hmankhat daih plastic
khapna dan inhrilhfiah
Mizoram Pollution Control Board (MPCB) chuan Mizorama plastic kaihhnawih lam siam chhuaktu (producer) te leh Mizoram Merchant Association (MIMA) leh sumdawng pawl dangte tan Thawhlehni khan workshop a buatsaih.
Workshop hmanpuitu MPCB member secretary C Lalduhawma chuan plastic lam chi hi a nih dan tur dik taka hman leh paih a nih chuan buaipui chiam ngai lo tur leh tun aia a tangkai lehzual theih tur thu sawiin, hmankhat daih sarâng chungchanga sawrkar hmalakna zawm that a pawimawh tih a sawi.
MPCB hotute chuan hmankhat daih – SUP chungchang zirtirin danin khauh taka a khuahkhirh thute leh thil danga thlakna tur leh tha zawkte an sawi a. SUP chungchanga hmalaknaah Mizoram chu North-East ah pakhatna a nih thu leh India ram pumah 12-na a nih phak thute a sawi. Sumdawng lamin polythene hman chungchanga an harsatna sawiin, zawhna te chhan a ni.
Plastic lam kaihhnawih siamtute pualin Extended Producer Responsibility (EPR) portal hman dan chungchang an zir ho a ni.
Hmankhat daih plastic khapna dan inhrilhfiah
Get real time updates directly on you device, subscribe now.
Next Post