Hmasawnna atana science chhawr tangkai dan inzirtirna IISF nei dawn

Hmasawnna atana science chhawr tangkai dan inzirtirna IISF nei dawn
‘Vigyann Se Samruddhi: For Aatmanirbhar Bharat’ tih thupui hmanga India Meteorological Department Aizawl buatsaih, December 6-9 chhunga Chandigarh-a neih tur ‘India International Science Festival (IISF) 2025’ chu Ningani khan Aizawlah Larsap Gen. Vijay Kumar Singh (Retd) a khuhhawng.
Larsap chuan science tihhmasawnna tur leh science thiamna tangkai zawka hmang a, ram intodelh ‘Atmanirbhar Bharat’ leh hmasawn ‘Vikshit Bharat’ ni thei tura hmalakna pawimawh, India International Science Festival neih a ni tur chu lawmawm a tih thu a sawi a. Science & technology tihhmasawn kawnga Prime minister Modi leh a changtu minister Dr Jitendra Singh hmalakna chhuanawm tiin, tunah chuan India chu khaw awm dan tur hrilhlawk kawngah hmahruaitu leh ram tam tak ngaihchan a ni ta tih a sawi.
Directorate of Science & Technology principal scientific officer K Lalrammuana chuan IISF-in science thiamna hmangin hmasawnna thlen a tum tih sawiin, science thiamna chu zirlaibuah chauh ni lo, a taka hman tangkai a tul tih a sawi a ni.
IISF hi PM hmathlir bawhzuiin kum 2015 atang khan hman tan a ni a, Science pawimawhna leh hmasawnna atan chhawr tangkai dan tur inzirtir thin a ni. Tun hi a tum 11-na tur a ni.