Hmeichhe Jail-ah Mas urlawk

Puih ngaite puihna kawnga hma la thintu pawl – AIKO buatsaihin Ningani khan Central Women Jail Aizawlah Advent Krismas hman a ni.
He hun hmanpuitu Central YMA president Lalhmachhuana chuan Women Jail-ah nu leh nula heti zat an awm chu a rilru khawih tih a sawi a. Ram leh hnam tan a tha zawnga an tih theihtawk ti turin a sawm. Ruihhloin kan ram a chim nasat tawh avangin ruihhlo do turin a sawm bawk. Midangte natna leh chhiatna thlentu ni lo turin a fuih a. Sum awlsam duh lutuk chu mahni leh midangte chhiatna a ni, tiin, dik tak rim taka sum hmuh ngei chu a hlu in a tlo ber tih a sawi a ni.
Hun hmanpuitu dang MHIP Gen Hqrs assistant secretary Pi F Lalramliani chuan hmeichhiate mawhphurhna a sawi a. Upa Lalthakima’n Krismas thuchah sawiin, zaithiamte nen hun hmangin, tlaiah ruai kilho a ni.
Women’s Jail hi mi 96 len theihnaa duan niin, tunah hian mi 275 an awm a. Naupang an nuten jail an luhpui 26 an awm bawk. Naupangte hi AIKO chuan Krismas thilpek a hlan a ni.