Hmeichhe tan- mipa beng tithlep tu

Hmeichhe tan mipa beng tithleptu te hi hriat atan a tha ve riau a nia. Mipa zawng zawng an inang lo, mahse, a nawlpui thu a laka dik ni a relationship lama mithiam te sawi kan rawn tarlang dawn a ni.
1. Hmeichhe thenkhat chuan an rilru puthmang te sawi chhuak lova chetzia a lantirin, chu chu mipa ten hrethiam turin an beisei thin a, mahse, mipa ten a hrethiam fo lem lo. Chutianga an lo hriat thiam loh changa hmeichhia an thinrima, an tihtauh hian mipa tan a ngeiawm hle a ni. Engmah sawi si lo, a chetzia atanga hriat thiam loh mai vanga intih tauh khum hi mipa tan ngeiawm theih tawp a tling ve tlat.
2. Thil pakhat sawia thil dang tih leh daih te hi mipain an ning. Mipa chu ti tura i duh te hre ve mai tura ngaih ngawt tur a ni lo.
3. Hmeichhe thenkhat mipa hnuaichhiah tum ve hrim hrim an awm. Mipa i duh duh dana nawr kual vel i tum a nih chuan a ning thuai ang che.
4. Mipa chuan amah hringtu nu a nei tih hriat tur, chuvangin a nu ang maia awm tum suh. A mamawh hun leh puih a ngai changa tanpui te chu thil tha tak a ni, mahse, naupang chhia ang maia enkawl ngai ni mai awma i cheibawl a nih chuan a ning thuai ang.
5. Mipa ten an harsatna te sawi sawi hi an peih lem lo va, an nuam tih zawng pawh a ni lo. Chutiang bawkin midang harsatna chungchang ngaihthlak reng te hi an ning thuai mai thin. Chuvangin, a pawimawh chin bak chu sawi tam loh thiam tur a ni.
6. Mipa chuan hmalam hun dawn vak vak te hi an tih zawng a ni vak lo. Nakina thil lo thleng tur ngaihtuaha lo phi cheng te hi an ning riau. Inngaihzawng lai atanga fate piancham lawm dan tur thleng thlenga sawipui te i tum a nih chuan a ning viau ang.