Hmeichhe tana hriattur pawimawh

Hmeichhe tana hriattur pawimawh
Hmeichhia ten serh atanga thil tui chhuak (viginal discharge) an nei thin a, awm a tinuam lo a, eng emaw dik lo a awm niin an ngai thin. Mahse, serh atanga thil tui chhuak zawng zawng hi hrisel loh vang a ni chuang lo niin mithiam ten an sawi. A tam lamah pawh nitin hetiang thil tuiril chhuak hi chaw einaa kan hman thin thirfian khat atanga thirfian hnih awm vel chin chhuak chu thil pangngai anga ngaih theih a ni. Hetianga serh atanga thil tuiril a chhuah hian serh ama tawka a intihfai vang te a ni ve thin. Tun tumah hian Times of India health section-in serh atanga thil tuiril chhuak a rawng awm dan atanga hriattur pawimawh ni a an sawi te kan rawn tarlang e.
Serh atanga tuiril chhuak hi a rawng atangin ngaihthat loh tur a ni em tih mahni tawka inhriat theih dan aawm a, a rawng pawh chi hrang hrang a awm thei. Mahni awmdan in thlithlaiin, doctor rawn a ngai em tih te pawh inhriat ve mai theih a ni.
1. Serh atanga tui fim a chhuak a nih chuan engmah ngaihthat lohna tur a awm lem lo. Hei hi mipat hmeichhiatna hman nasat deuh emaw, exercise lak nasat deuh emaw te pawhin a lo chhuak nasa ve leh deuh thei a, naupai thei dinhmuna din laiin a tam duh a, thlatin hunbi zawh hnuah a tlahniam ve leh thei. Ngaihthat lohna chhan tur a awm lem lo.
2. Bawnghnute rawng ang deuha var chhuak awm thin pawh hi hmeichhia ten an thil tawn tlanglawn tak pakhat a ni a, ngaihthat lohna tur a awm em em lo, mahse, hetiang chhuak a awm laia symptom dang, entir nan serh chu a thak tel te a nih chuan yeast infection vang te a ni thei. Hetah pawh hian a tui chhuak tam dan pawh hi thlatin hunbi neih danin a hril thui leh hle a, a hun hmasa lam chanve velah a tam duh deuh.
3. Serh atanga tuiril chhuak chu a rawng eng deuh emaw hring deuh emaw a nih chuan doctor rawn tur a ni. Serh atanga bawnghnute rawng ang deuha var chhuak kha a rawng a lo danglam a, a eng deuh emaw a hring deuh emaw a nih chuan yeast infection a nasa tihna a ni thei a, hmeichhe lam doctor (gynaecologist) rawng tur a ni.