Dengue-in Mizoram a awm chilh tawh a, a vei pawh kum tinin an awm tawh. Kum liam taah khan Mizoramah mi 751-in dengue hi an vei.
State Vector Borne Diseases Control Programme (SVBDCP) te’n an chhinchhiah danin, 2024 chhung khan sample 8986 endik a ni a, chung zinga 751 chu dengue a ni tih finfiah a ni. Vanduaithlak takin dengue vanga nunna chan pakhat a awm.
Kum liam taa dengue veite zingah a tam ber chu Aizawl district-a mi an ni a, mi 528 an ni. Nunna chan pawh hi Aizawl district-a mi a ni. Lunglei district-ah mi 180 an awm.
Dengue vei zat hi kum hmasa lam aiin a tlem a, SVBDCP chhinchhiah danin 2023-ah khan mi 2060-in he natna hi an vei a, 2022-ah mi 1868-in an vei. Tun hnai kum thum (2022-2024) chhungin dengue vangin mi pariatin nunna an chan.
Dengue hi thosi chi khat Aedes-in a thehdarh a, Aedes aegypti chu Dengue thehdarhtu ber niin, hetiang thosi hi Mizoramah a tam a, chhunah min an seh ber tih chu mithiamte sawi dan a ni.
Khawpui chhungah dengue hi vei an tam thin a, tunhnai kum thum chhunga dengue hmuhchhuah zingah pawh khawpuia cheng an tam ber zel tih thu dawn a ni.
-- Advertisement --
Dengue vei zat
Kum +ve
2018 68
2019 131
2020 67
2021 83
2022 1868
2023 2060
2024 751