Hmun hnihah kuhva man
Saitual Police chuan Inrinni zan khan kuhva rah bag 90 (kg. 6300 vel) chu Saichal junction Saitualah truck pakhat atangin an man a, a khalhtu Lalchharliana, Zokhawthar Champhai district nia inchhal pawh manin, Customs Preventive Force Seling kutah an hlan a ni.
Inrinni zan tho khan Chhingchhip Police Outpost chuan kuhva rah bag 180 (kg. 12600 vel) chu Tuikum, Hmuntha Road-ah truck 5- Rothanmawia (26), Zotlang Champhai district; Laltlanchhuaha (29), Lalrokima (42), Lalthazuala (21) leh Joel Lalrinsanga (31), Ruantlang Champhai district nia inchhal vekte khalh atangin an man. Thil man hi Zotlang Champhai atanga an phurh niin, Khawzawl – Rabung – Kawlkulh – Chhawrtui – Maite – Hmuntha kaltlangin Aizawl an pan a ni. Customs Preventive Force Lungleia hlan a ni.
Hmun hnihah kuhva man
Get real time updates directly on you device, subscribe now.
Prev Post
Next Post