Hnahsin par mawina Champhaiah BC Academy & Minikins 1 an vul

Hnahsin par mawina Champhaiah
BC Academy & Minikins 1 an vul
Champhai District Basketball Association (CDBBA) buatsaih 2nd Inter High School Championship chu October ni 3, Zirtawpni (2025) khan a hmawrbawkna neih a ni a, BC Academy chuan 53 – 32 a Holy Angels School hnehin champion nomawi an chawi. He inelna ah hian team paruk an inlan thei a ni.
1st Inter High School (2024) nikum lama neihah Gandhi Memorial School chu an lo champion tawh bawk.
CDBBA hian veteran basketball tournament buatsaih tel bawkin, hetah hian Minikins 1 chuan 63-47-in Ballers chu final-ah an hneh a, an champion.
Veteran basketball tournament chungchangah hian tum dang ang bawkin Mizoram Basketball Association (MBBA) lamin kum bithliah fel fai tak a neih loh avangin he intihsiaknaah pawh hian tournament organiser-te’n an huam chhunga player awmte dinhmun milin kum bithliah hi an siam leh a; kum 35 chin chung lam player pali leh kum 30 chung lam player pakhat inlan theiin inelna hi kalpui a ni.
Tarlan thin tawh angin MBBA hnuaia district nung ber Champhai District Basketball Association hian an huam chhunga basketball player-te tan an hmalakna a hmuhnawm leh pek hle a, anni hian October ni 21 atanga ni 24 thleng awh tur Inter District Basketball Tournament an thleng dawn nghe nghe.

Most Points

Minikins 1
1. Hminga – 23 points
2. Chhuana – 18 points
3. Opa – 15 points

Ballers
1. Valpuia – 11 points
2. Bawihpuia – 10 points
3. Fela – 8 points

BC Academy
1. K Mala – 26 points
2. Mawia – 16 points
3. Samuel-a – 4 points
4. Bda – 4 points

Holy Angels School
1. Nunmawia – 11 points
2. Mawia – 9 points
3. Hruaizela – 9 points