Hnamdang kawppui neiten MLA tum lo turin kan chah – MZP president

te chu Mizo hnam hmangaihna avangin state rorelna sang bera hmun chan tum kher lo turin an ngen tih MZP Gen. Hqrs. president thar H Lalthianghlima chuan a sawi.
Thawhlehni khan MZP Gen. Hqrs. hruaitu kalchhuak turte leh a tharte hian charge an inhlan a. MZP president thar chuan ram leh hnam leh zirlaite tana tha turah chuan huai taka kal an tum thu leh thurawn eng pawh an dawnsawn theih tur thu a sawi a. Hnamdang kawppui neiten ram rorelna sang Assembly House-ah thut tuma hma an la chu pawi a tih thu sawiin, ram leh hnam him nan theihtawp chhuaha dodal an tum thu leh, hnamdang kawppui neite chu Mizo hnam hmangaih avangin ram rorelna sang bera hmun chan tum kher lo turin a ngen tih a sawi a ni.
Mi thenkhatten hnam aiawh ang maia hmun hrang hranga thu an sawi thin chu pawi a tih thu H Lalthianghlima hian sawiin, ram leh hnam thil sawi thinte pawh fimkhur tlang tura an duh thu a sawi a. Kumtina state service lak a ni thin chuan Mizo thalaite All India Service leh central service-a tling a tih tlem phah tih sawiin, kumtina state service lak thin chu khat deuh zawk emaw tum khatah tlemte te emawa la turin Mizoram sawrkar an ngen tih a sawi bawk.